من رمضان اللي فات، جالي شخص عامل نفسه ضحية…
قاللي: “أنا اتنصب عليا، وبدور على حد محترف يساعدني… زيك!”
قلت تمام، الراجل باين عليه نضيف وناوي يتعلم، وفعلاً…

🟢 فتحت له قلبي ومكتبتي: – اديته المؤشرات
– والتقارير
– والكورسات
– ورديت على كل سؤال ليل نهار

لكن… كان دايمًا بيسأل، و”ما بيتداولش”!
قلت يمكن خايف في الأول… بس الراجل قعد شهور كده! 😐

المهم، بعدها بشوية…
دخل عليا شخص تاني اسمه “رعد”
بيقولي: “عاوز المؤشر بالكود الأصلي… لأني بتداول مع شركة تانية”
حاول يقنعني…
🧠 مرة بالمنطق
💸 مرة بالإغراء
😢 مرة بالضعف
🕋 ومرة بالدين!

وأنا؟
رفضت بكل وضوح…
حتى قلتله: “اتعرض عليا أرقام أكبر من كده ورفضت، مش هغير موقفي دلوقتي!”

فشل في الإقناع واختفى…

الشهر ده، بدأت أراجع الأمور: لقيت إن أغلب عملائي مبسوطين جدًا من التوصيات بس،
والمؤشر محتاج وقت طويل في شرحه، وبيتفهم غلط، والمردود مش زي ما كنت متوقع…

فخدت قرار: ✅ اللي محتاج توصيات… ياخد توصيات
❌ ومفيش مؤشرات تتوزع تاني
لإن المؤشر ده شغلي، خبرتي، وأسلوب خاص جدًا أنا اللي فاهم أشتغل بيه.

الكل مبسوط…
ماعدا “عميل واحد بس”…

بدأ يجادل… يناقش… يستدرجني في كلام طويل بالأيام،
وأنا ثابت على موقفي: مفيش مؤشرات.

فجأة…
بيفاجئني وبيقولي: “طب أشتريه منك بالكود” 😐
لحظة…
ده نفس أسلوب “رعد”؟!

ولما رفضت، رجع نفس الأسطوانة: – “أنا مريض”
– “أنا فقير”
– “أنا بحب الخير”
– “اديني المؤشر يا أخي لله”
– “أنت رفضت ناس عرضوا عليك آلاف ليه؟” (عرف منين أصلاً ان في حد عرض عليا يشتري المؤشر؟ 🤔)

الشك اتأكد…
ده مش عميل… ده نصّاب… ونفس الشخص اللي اسمه “رعد”
وفعلاً لما رفضت وبلغته إن الحساب هيتنقل من وكالتي، وبلكته ، جالي بعدها “رعد” يشتمني 😂

اللعبة انكشفت… لكن ربنا نجاني 🙏
ليه؟
لأن النية كانت خالصة، والشغل كان بتعب سنين مش سهل يتسرق.

🎯 الدرس؟ ما تسيبش تعبك يضيع
ما تخليش حد يستدرجك بعواطف أو دين علشان مصلحته
وما تديش سرّ شغلك للي ما يستحقوش

شارك القصة دي لو شفت إن فيها عبرة لحد تاني 💬👇

تجربةواقعية #نصبإلكتروني #صديقالخوارزميات #محمدالشيخ #توصيات_الفوركس #قصتي