هل وقف خسارة 700 نقطة على الذهب يعتبر كبير؟ تجربة حقيقية ورسالة مهمة لكل متداول
هل وقف خسارة 700 نقطة على الذهب يعتبر كبير؟ تجربة حقيقية ورسالة مهمة لكل متداول
القصة ببساطة
حصل موقف مؤخرًا حبيت أشاركه معاكم بكل شفافية. عميل اشترى مؤشر FxSolve Magic، ولما جربه على الذهب ظهر له وقف خسارة 700 نقطة. الموضوع معجبوش، وده حقه.
أنا عملت الآتي فورًا: Refund فوري ✅ إلغاء الصلاحية ✅ بدون أي نقاش ولا جدال.
طلبت منه ينشر تجربته السلبية على موقعي وكنت هقبلها عادي جدًا، لكنه رفض. فقررت أنشر التجربة بنفسي وأوضح نقطة مهمة جدًا بيقع فيها عدد كبير من المتداولين.
الأرقام اللي ظهرت في الصفقة
*النسب دي مثال من حالة واقعية. ممكن تختلف حسب الفريم وهيكل الحركة، وفي فرص كتير بتوصل 1:3 كمان.
أكبر خطأ عند أغلب المتداولين: هوس “الاستوب الصغير”
في ناس كتير كل تفكيرها: استوب صغير وخلاص — وده بيعمل مشاكل خصوصًا مع الذهب لأنه متقلب وحركته قوية.
- وقف الخسارة لازم يكون مبني على منطق السوق (هيكل حركة / فريم / تقلب).
- مش منطقي تحط استوب ضيق ويتضرب كل شوية ثم تقول “النظام وحش”.
- المهم في النهاية: نسبة عائد/مخاطرة + إدارة رأس مال.
الذهب ممكن يتحرك كام في يوم؟
الذهب ممكن يتحرك 1000 – 1200 نقطة في يوم عادي جدًا، علشان كده “700 نقطة” مش رقم خرافي لو الصفقة مبنية على فريم كبير أو حركة اتجاه.
*المقصود بالنقاط هنا هو قياس الحركة داخل تسعير منصتك/الوسيط. الفكرة: الذهب سريع وقوي الحركة.
هل الذهب مناسب لكل الناس؟
لأ. الذهب مش مناسب لكل الحسابات. لو رصيدك صغير، الذهب ممكن يبقى أعلى مخاطرة عليك بسبب قوة الحركة. ساعتها الأفضل تختار سوق يناسب رأس مالك.
المؤشر مناسب لمين؟ ومش مناسب لمين؟
مناسب لو أنت:
- بتدور على نظام تداول منطقي وواضح.
- بتفهم إن مش كل صفقة لازم تكسب.
- بتشتغل بنسب عائد/مخاطرة محترمة وتلتزم بإدارة رأس المال.
مش مناسب لو أنت عاوز:
- استوب “ضيق جدًا” في كل الحالات.
- سكالبينج عنيف على الذهب بحساب صغير.
- تقييم النظام من صفقة واحدة فقط.
كلمة أخيرة
إحنا موجودين من سنين، والتطوير في المؤشر مستمر. لكن لازم نبقى واضحين: مفيش نظام تداول في الدنيا بيكسب 100%.
بكل احترام: لو أنت شايف إن الاستوبات دي كبيرة عليك، متشتريش المؤشر من الأساس عشان لا تضيع وقتك ولا تضيع وقتي ونوصل لمرحلة Refund في الآخر.
تنويه مهم: التداول في الأسواق المالية ينطوي على مخاطر، ونتائج الماضي لا تضمن نتائج المستقبل. أي نظام تداول قد يمر بفترات ربح وخسارة، وإدارة رأس المال هي الأساس.
روابط ذات صلة
